Flugskóli Akureyrar

Er áritunin í skírteininu útrunninn?

Sé áritunin fallin úr gildi þarf upprifjun/mat á upprifjun hjá flugskóla áður en haft er samband við prófdómara til að bóka hæfnipróf. Flugkennari getur einnig metið þörf fyrir þjálfun til upprifjunar ef SEP áritun er útrunnin skemur en 3 ár. Gögn um upprifjun/mat á upprifjun ( LF-443 ) þurfa að fylgja skýrslu um hæfnipróf.

Hversu lengi gildir SEP áritun og hvernig viðheld ég henni?

Flokksáritun á einshreyfils einstjórnarflugvél (SEP) gildir í tvö ár. Til að framlengja SEP áritun áður en hún fellur úr gildi þarf skírteinishafi að uppfylla annað eftirtalinna skilyrða:

• Standast hæfnipróf með prófdómara innan þriggja mánaða áður en áritun rennur út.

• Ljúka 12 klst. fartíma í viðeigandi flokki innan 12 mánaða áður en áritun rennur úr gildi, þ.m.t
• • 12 flugtök og 12 lendingar
  • 6 klst. fartímar sem flugstjóri
  • A.m.k. 1 klst. þjálfunarflug með flugkennara (umsækjendur sem hafa staðist færnipróf eða hæfnipróf fyrir aðra flokks- eða tegundaráritun eru undanþegnir þjálfunarflugi með kennara)