Um skólann

Saga Flugskóla Akureyrar

Flugskóli Akureyrar var stofnaður á Melgerðismelum 7. júní 1945 og voru stofnendur hans Gísli Ólafsson og Árni Bjarnason. Þeir félagar ráku skólann um nokkura ára skeið og var flogið frá Melgerðismelum, enda var Melgerðismelaflugvöllur þá flugvöllur Akureyrar. Flugflotinn var tvær Piper Cub kennsluflugvélar og Fleet Finch tvíþekja. Eftir að Akureyrarflugvöllur var byggður fluttist flugstarfsemi að mestu til Akureyrar. Flugkennslan varð síðar í höndum ýmissa aðila en á sjötta og sjöunda áratugnum var kennslan  lengst af á vegum Norðurflugs,Tryggva Helgasonar. Árið 1978 var skólinn endurvakinn að frumkvæði Flugfélags Norðurlands hf. og nýjar kennsluvélar keyptar. Vélflugfélag Akureyrar stóð fyrir kennslunni á níundaáratugnum en árið 2000 keypti Sella ehf. rekstur Flugskóla Akureyrar af Flugfélagi Íslands.1. júlí 2008 var nafni Sellu ehf. breytt í Flugfélag Akureyrar ehf. 

Til flugkennslunnar í dag hefur skólinn Piper Tomahawk Pa 38-112. Þær hafa reynst frábærlega til verklegrar flugkennslu. Þar að auki er Piper Warrior Pa 28 -180 og Super Decathlon 8KCAB  en þær eru notaðar til framhalds kennslu og þjálfunar. 

Fleet Finch,   TF-KAM		Piper Cub,    TF-KAG
Piper Cub,   TF-JMA		Piper Cub,    TF-JMF